Kaliyaan jo kabhi khilti hain
Khushboo bankar tum mehekte ho
Subah ki pehli kiran ke saath
Chidiyaa bankar chehekte ho
Saavan ki jab main chaahat karu
Baadal bankar tum garajte ho
Sadiyon se pyase is man mein
Boondein bankar tum baraste ho
Samandar kinaare jab main chalu
Leher bankar tum bikharte ho
Saahil ki ore jab main dekhu
Kasti bankar tum gujarte ho
Andheron ki gehraai mein
Chaand bankar tum chamakte ho
Raat ki is purvaai mein
Nashaa bankar tum behekte ho
Mere jism ki har rag mein
Lahoo bankar tum behte ho
Mere dil mein yun hi har pal
Khayal bankar tum baste ho
No comments:
Post a Comment